إحنا مين؟
كتاب بنت مصرية كتاب باللغة المصرية العامية بيحكي حكايات عشرة بنات مصريات اتحدوا الأعراف و حققوا أحلامهم. البنات من عصور مختلفة و نجحوا في مجالات مختلفة, لكن بتجمعهم عزيمة قوية و تفكير برة الصندوق. حكايات البنات دي ملهمة و هدفها إنها توريكم إن الواحد مش لازم دائمًا يمشي الطريق اللي كل الناس بتمشيه، بل بالعكس ساعات في متعة في إنك تلاقي طريق جديد يوصلك لحلمك.
كتاب بنت مصرية مكتوب باللغة العامية لأن دي لغتنا المصرية اللي بنستعملها كل يوم و متأثرة بتاريخ مصر و كل عصورها. كمان احنا مؤمنين إن القراءة، غير إنها وسيلة لتعليم اللغة، لازم تكون ممتعة و سهلة للاطفال.
-
المؤلفة
نيفين ديميتري
-
نيفين بنت مصرية اهتماماتها كتير، منهم حب قراية الكتب وتأليف القصص.
هي أم لولدين صغيرين : رفيق و يوسف، و بتحب جدًا تألف لهم قصص وتحكيها لهم.
نيفين كمان مهندسة في مجال الذكاء الاصطناعي وبتحب تخترع أجهزة ذكية تفيد الناس في حياتهم
اليومية. نيفين بتحب السفر جدًا وعاشت في بلاد كتير ولسه نفسها تشوف بلاد أكتر.
-
الرسامة
ماريا مدحت درويش
-
ماريا فنانة مصرية نشيطة و مبدعة.
دايمًا هتلاقوها بتعمل مليون حاجة في نفس الوقت من كتر ما أحلامها كتيرة وعايزة تنفذها كلها.
ماريا بقت معروفة برسم الجداريات، اللي هو فن رسم الصور المبهجة على الحيطان،
ده غير شغلها كمهندسة معمارية ومهندسة ديكور.
هنتبرع ب١٠٪ من المبيعات لمؤسسة علمني
مؤسسة علمني بدأت بمبادرة علمني التي اطلقتها ياسمين هلال إحدي أبطال كتاب بنت مصرية.
تأسست مدرسة علّمني المجتمعية في عام 2015 لتقديم تعليم جيد للأطفال الغير قادرين ، مجانًا دون أي تنازلات. تضم المدرسة 400 طالب من الروضة حتى الصف السادس الابتدائي وتوظف 70٪ من الموظفين من المجتمع لضمان التطوير الشامل للمجتمع واستدامة المدرسة. حتى الآن ، تخرج من مدرسة علمني دفعتين. تتمثل رؤيتنا ان كل طفل له الحق في فرصة لأن يمتلك مهارات التعلم المستمر، يحيا حياة ذات معنى ويؤثر إيجابيًا في مجتمعه.
